Aurten ere ihaz bezala Durangora etorri gara AZOKA AUTOGESTIONATUA bisitatzeko eta bertatik zuzeneko irratsaioa egiteko. Durangoko Liburu eta Diska azoka (ofizial-komertziala) aprobetxatuz, hainbat distri eta eragilek azoka propioa montatzen dute. Zeharkalea 11 helbidean topatuko duzue datorren domeka honetara arte.
Gure mikrofonoetatik hainbat lagun pasa ziren: Oscar Aranda, bere “Vida y obra de un sexologo” liburuari buruz hitz egiteko, Amillubi proiektu agroekologikoa, Sare Antifaxista, Fito Rodriguez Bornaetxea, bere “Polloekoak” liburua aurkezteko, Frixen Freskagarriak proiektuko kide bat eta amaitzeko, Katakrak eta Txarraskako liburutegiko kideak. Ia bi orduko saio polita geratu zitzaigun. Galdu bazenuten, lasai egon, hemen duzue-eta entzungai.
